मोरङ । मोरङको पथरीमा जारी अन्तर्राष्ट्रिय आमन्त्रण दोस्रो पथरीशनिश्चरे गोल्डकप—२०८२ को उपाधिको लागि आयोजक पथरी—११ र सलहेश युवा क्लब सिराहा भिड्ने भएको छ ।
आज भएको अन्तिम सेमि फाइनल खेलमा एनआरटी काठमाडौंलाई १—० गोलको अन्तरले पराजित गर्दै आयोजक पथरी—११ फाइनलमा प्रवेश गरेको हो ।
पहिलो हापको २५ औं मिनेटमा आयोजक पथरी ११ का लागि शौर्य राउतले एक मात्र निर्णायक गोल गरेका थिए । खेलको म्यान आफ द म्याच गोल कर्ता शौर्य राउत घोषित भए ।
प्रतियोगिताको पहिलो सेमी फाइनल खेलमा ट्राइव्रेकरमा पाँचथरलाई ४—२ गोल अन्तरले पराजित गर्दै सलहेश फाइनलमा प्रवेश गरेको थियो ।
उपाधि विजेता टिमले नगद पाँच लाख र उपविजेता टिमले २ लाख पचासहजार नगद, ट्रफी र प्रमाणपत्र प्राप्त गर्ने आयोजक पथरी ११ का अध्यक्ष सुमन बिकले बताउनुभयो । प्रतियोगितामा नेपाल र भारतको आठ टिम सहभागी रहेका थिए । फाइनल खेल कार्तिक २२ गते (शनिबार)हुने आयोजक समितिका सचिव केशर राईले बताए ।
